親家到來

元宵節過後，阿歪同娘家轉到婆家。伊擔著兩個大布包踏入內，目汁流流，無開無嘴。伊把兩個布包放上眠床後，猛猛走出去。虼蚤叔翁媎唔知做呢？無一下，阿歪探伊阿父慢慢行入門樓來。虼蚤嬸佮見著人在做功德、追荐、過橋用個紙人平樣，答一扽，驚伊入來廳、房內，猛猛擔張竹椅頭過去，叫：「親家到來，請坐，歇乏。」伊呾後，又猛猛入去灶下舀一碗飲出來。李欽錫有氣無力，重重坐落去。阿歪企在伊尻

脊後佮伊槌腰。

虼蚤嬸呾：「親家，先食喉灱。李欽錫呴了嘴飲，氣平靜點，呾：「禾拖、拖累恁—就是：「做好照生呾。親家啊，俺佮麼是虼蚤嬸呾：家己人，手底是肉，手蹯也是肉，孬呾生分話。」李欽錫答答頭，呾：「吓就好，吓就好！」虼蚤嬸呾：「不過，俺是窮家人，阿歪來我家受苦了一三頓無物配，厝又窄。呾句要阿親家笑店：阿馬伊大妹今年十九、伊弟十一、伊細妹九.，因為厝唔到竚，姐弟三人夗做一下。者個阿歪上清楚。親家許內個厝大大闊闊，好做一棚戲我只塊，搭個紙影棚也唔到地方，親家硬否徛唔慣個。本來應該起間新厝乞親家竚，只是唔堵磡一遇著過年：灰窯在年底燒好兩窯灰，到只陣還退燒未了，孬開窯，無灰賣；燒磚燒瓦個，也轉去過年，欲買也買無。無奈何，阿馬父仔兩人，佮厝邊頭尾相輔，正做起只間厝仔，對唔住親家你，請親家先將就就是。」阿歪順著伊大家手指個方向睇去，見許外埕角近豬寮骹許間矮細個草厝時，心肝頭”決”一叫，吞了一嘴涎就行去睇：離豬寮五六尺，塗牆，厝：兩只椅條架一片大鋪板後，離唔到兩跿就是門；無蠓帳。鋪頭鋪尾有個柴架好放物件。一條水溝亙牆骹鋪下流到豬寮許個屎尿堀內，水溝上架㒼片板就成”東司”，單

早暗暗放尿放屎免出門。

阿歪一睇，目汁就佮落雨平樣。伊揮轉去到伊大家面前，一手𢹸腰，一手指著伊，大聲掰喉問「許間物就是乞我父待個”厝”？抑是豬寮狗寶？者個囉唔比恁個牛間好。我父就去牛間竚！」虼蚤嬸呾：「牛間內個牛屎牛尿，臭粕臭粕，稻稿草麩飛一間，去符在許內？親家只種病，我是驚伊符唔到三日，病加重難好啊！阿歪又大聲喊：「你照刁！你照梟！恁一家人攏總是烏心肝個！照生對待我父？恁..虼蚤嬸呾：「親家啊，你聽你聽，你走仔”恁”一句，“阮”一句，照生呾，伊喧是我個新婦？抑

是另一家個人？

李欽錫出力連續撦伊走仔個衫裾，呾：「阿歪，你一，你做呢一，好一，好照生一，佮大人一

呾一，呾話？

」李欽錫頭喘頭呾，氟透唔

離。

虼蚤嬸呾：「我早知水缸佮甔仔孬相陳。俺細姓弱戶，淺水無變養大魚，先慢會生砂熠，無想到照猛，囉是聽了媒人個話，正有今日J李欽錫猛猛插落呾：「親姆，親姆；親家，親姆，勿一，勿生氣一，阿歪唔一，唔著一，無禮，放肆一，是我一，我缺少一，㩼養一，勿一，勿見怪一，勿見怪一，勿佮伊一，一般一，見識一」虼蚤嬸呾：「俺作田人，無見識。親家啊，只間厝仔唔合符，我叫阿馬送你轉去溪西了，等到阮起好大厝，正去接你來，好麼？」欽錫呾：「轉去溪西？呼呼呼。阿歪，你佮親姆呾。」阿歪見伊父呾話照艱苦，慘死，就呾：「阮許落大厝賣乞人了，叫阮轉去底塊？」虼蚤嬸呾：「噢，賣了？賣去好叫人退倒轉，人唔肯就另買一落。如今個百姓生活難過，大大個溪西，窮人一大株，賣田賣地賣兒賣女個㩼，有錢驚無厝竚？」阿歪呾：「錢，賣了一」伊本來欲呾出一個數目，突然一想，心內對家己呾：「勿佮伊呾實話，下回伊欲來爭錢。」就呾：「賣厝個錢，除去我父還人醫病食藥個錢，我阿姐過世，打理伊個後事，使去後存無也錢了。」虼蚤嬸呾：「親家啊，俺窮是窮，有哩食森，無哩食淼，一家大大細細，還唔曾去偷抳偷撻過，你免驚，我孬佮你挈錢。」李欽錫呾：「親姆啊，勿，勿誤會，勿誤會！