西門

出了蔡厝祠堂，天壽姆佮阿梅行亙西門去，頭

路行，頭路詖。

天壽姆呾：「今暝三骹蟾祠堂有戲睇。」楊梅問：「什乜戲班？」天壽姆呾：「老源正，無睇心頭痛。」楊梅呾：

「吓孬放過，硬虎著睇。阿姆啊，聽呾俺澄海城內有”七墩入池，三宮四院，個半祠堂，隻半麒麟”，我只𧧸三骹蟾墩，許撮，攏總唔𧧸，你呾我知，好孬？」天壽姆呾：「還有猴洞墩、蕭厝墩、陳厝祠墩、佘厝祠墩、溝下池墩、郭厝墩。郭厝墩在東門內郭厝祠堂後。梅香伊阿弟原來在郭厝祠內許個小學讀三年級。日本仔來後，強迫讀日本書，寫日本字，學日本話，同一年級起就㩼”亞伊污啞襖，骹欺嶇客可，砂司輸紗所，他體土咤討”。先生問我逗仔：「你做呢唔讀唔寫？」我逗仔呾：我是中國人，唔讀日本書、寫日本字！」先生一手掃過去，我逗仔跋落塗下，起來後個頭嗡嗡叫，哭轉來只內後，一雙耳就做仄聽唔見了..••L楊梅聽著心內極生氣，見天壽姆呾到後來喉硬硬，伊就猛猛呾開去：「阿姆，你聽：者聲是唔是戲棚頂個鑼鼓聲？」天壽姆呾：「是啊，只塊就是三骹蟾祠大門了。你睇，棚頂做戲個伶棚下睇戲個攏總睇現現囉！三骹蟾祠坐北向南。只個祠堂由兩個部分構成：祠堂居東，土墩在西。三骹蟾墩有一個長方形大圍牆，土墩個東牆佮祠堂個西牆合兩為一。土墩位於北端，南面僅有一門出入，大門與土墩之間是大廣場，戲棚就搭在許圍牆內廣場鎮中。睇戲個人真㩼：上等前個坐在塗下，鎮中個企在塗下，上後個企在椅上，前中後三層人，使”遲到”個天壽姆佮楊梅無變行近戲棚，就擠在牆邊。楊梅企在天壽姆後畔，一手在伊個胳閬下。北風無若大，一陣一陣透來，戲棚頂個歌聲佮口白，聲大聲細，時有時無。天壽姆呾：「睇見蛇囉瞲目。喧暗來。」楊梅目好耳好，伊呾：「睇起來，許兩個姿娘，一個是小姐，一個是走鬼，主婢兩人企在樓頂睇樓下過往個人馬。」天壽姆正欲呾話，阿梅猛猛掩伊個嘴，呾：「等下等下，我聽—唱歌了。」楊梅用兩隻手放在兩畔耳後閘聲，頭聽頭呾乞天壽姆聽：「賞燈人去難相見，倚欄……天涯。」

「阿娘.••.樓下此人•.郎君。你仔細.J唔知什乜時候，阿馬已經睇見伊外媽佮楊梅來睇戲，伊有意唔乞伊外媽知，靜靜、慢慢人縫到楊梅身後，膽大大伸手去顛阿梅個手。阿梅答一扽抖轉手，揮頭一睇，無想到阿馬也在只塊，心肝頭十五十六，笑笑，目購阿購、嘴撬阿撬，目角斜向天壽姆，阿馬答頭答頭表示領會。楊梅將手伸向後畔，阿馬牽起伊個手。楊梅個心鵬鹏跳，熱到額頭流汗、面仔紅紅。北風送來戲棚頂個歌：「萬般心事言.⋯.千•..雙荔枝。」又聽唔見。忽又聽著：「荔枝手帕.深意日…………得會佳期。」………何天壽姆呾：「噢，我知了：只齣戲叫做《陳三五娘》。五娘睇著陳三好，一個在樓頂，一個在樓下，無變詖，伊就挈一條手布仔包兩粒蓮果落去乞陳三做定情物，以後兩人就相會。」天壽姆只句話，呾個無心，聽個有意，楊梅一下就將手同阿馬手內抖倒轉，同伊個褲袋內撏出一條手布仔，拭掉額頭個汗母了，將手布塞乞阿馬，又拍拍阿馬個手，示意”猛猛行開”。阿馬又

靜靜、慢慢人縫出去。

天壽姆簡介《陳三五娘》劇情後，楊梅呾：

「我睇過紙影，也聽過人唱歌冊，攏總唔比做人戲好睇，聲也好，再聽仄。」北風又傳來一句接一句：（娘唱）：恍惚殘春天，花徑潤滑，滿地添青苔，忽聽見枝頭杜鵑，為春聲悲。（娘唱）：對景傷情，懨懨無意，誰人留得春莫

去，同來伴我少年過一世？

（白）：益春，睇那春景芳菲，百鳥交噪，真是

觸動閨女傷懷。

（娘唱）：睇那花紅柳綠，都含愁意。

梨花帶淚，對著曉寒唏噓。

天壽姆呾：「阿梅啊，睇唔見聽唔著，只齣戲你也𧧸，半暝過了，俺轉去夗，好咩？」楊梅呾：「風大霧重，我驚阿姆傷風，正欲叫你轉去哩。」天壽姆呾：「阿梅真有我個心！」天壽姆先送阿梅轉去伊內，行到伊門外，呾：

「睇，許內燈光光，你阿爹還未夗，在等你轉來。楊梅呾：「阿姆你禾寬寬行，我入去了。」