聖公嘴

虼蚤叔”壓鋪枋”同頭到尾壓了六七日。六七日來，伊大逗仔起早夗晏，日晝也無時歇， 拚到

鼻空風歕做直個。

虼蚤叔佮伊𡚸呾：「阿馬大隻趸是大隻趸，只成十日來，你睇伊也症骨落肉，目塌塌。」伊𡚸呾：「人是肉做個，又唔是鐵拍個。兩人個工，伊一人作，做呢奢疰。」虼蚤叔病後，知知家己氣力有限了，伊呾：「睇來是著𡥘個來相輔了！」

伊𡚸問：「吓禾欲底一個？

「還是阿歪好！」虼蚤叔正槌拍正鼓了。「吓我就叫媒人去詖睇。」伊呾。

媒人去佮阿歪伊父母牽㪗。

阿歪伊娘呾：「我也知家內三件孬留，走仔飼大別人個。不過，阿歪無兄無弟，為了照顧我兩老，伊正照大還未出門。伊嫁後，阮兩老唔知做呢死好？」「阿彌陀佛。」媒人搶過話尾呾，「阿姆啊，將心比心，恁兩老煩惱個也著。不過，我想：阿歪姐出門後，恁許兩坵田就交乞人作，你收租食閒飯，唔是愈寬活？再呾，阿歪姐今年二十了，佮話呾：“十七十八上當時，十九二十過兩年，廿一廿二無人愛，廿三廿四倒貼錢。“還有啊，歲聲喧大，下回生生孵孵就難了。你也知，俺只厝邊頭尾就有人生仔生唔出死去.……」「阿彌陀佛。」阿歪伊娘猛猛念出。人呾：“媒人嘴，遰人畏”。媒人見阿歪伊娘聽到頭答阿答，知伊心落落了，續著又呾：「俺溪西佮伊大田近近，免坐火車火船，眠起早來了，轉去食日晝還稜稜。阿歪姐又力落又行孝，伊早早晏晏會來相巡，你兩老免煩惱啦。」

「抑是照生，吓就好。

，阿歪伊娘呾，

某人婆拍鐵趕熱，呾：「阿姆啊，吓就呾定著了，我送阿歪姐個生辰八字過去，好唔好？」「好囉好囉。」阿歪㜳呾°許日暝昏，媒人送阿歪個生辰八字來乞虼蚤嬸。隔日個暝昏，虼蚤嬸上床去夗，伊翁呾：「今日照早就閒？還未扣二更。」伊𡚸呾：「有話佮你呾。」伊翁問：「什乜好話，甜個抑是苦個？」伊𡚸呾：「甜過蜜餞。」「吓哩食加兩塊。」伊翁呾。虼蚤嬸一骹/上伊翁身頂，手臂攪伊翁個頜，在伊耳骹呾：「眠起早，我挈阿歪佮阿馬兩人個八字去城內四水歸許個青盲仔起四柱，批八字。俺鄉里人人呾伊會，好毅人乞伊合過八字算過命，都呾伊是”聖公嘴”

」。

「算命先生做呢呾？」伊翁急切問。「伊起了四柱後，呾了一大堆，我無變準你聽我記得伊有兩句話，呾”豬牯豬母肥大趸，子孫後代一大坪”—阿馬佮阿歪都相豬。」伊妐呾。

「吓就好。」伊翁呾。

「好是好，」伊𡚸呾，「阿歪大過俺阿馬，我驚人笑阿馬娶個𡚸姐。」伊翁呾：「阿歪伊正大阿馬一兩個月，佮雙生姐弟平樣，“𡚸姐就𡚸姐”，人欲做呢呾囉好，俺無變去掩人個嘴。合俺家已正切要。」「還有啊，」伊𡚸呾，「我只嫌阿歪淤恣蘙鬋。」「你就向通靈？」虼蚤叔呾。虼蚤嬸攆伊翁，呾：「淤恣無相干，忍過去就好；我上驚個是翦蘙。」伊翁呾：「世上彎彎愆愆、橫鉸理搭、烏青烳煇個人驚無。」伊翁又呾：「我在閒間抗有兩句話，叫做”是非終日有，不聽自然無”；“不痴不聾，不做阿家阿翁”。就是呾，做大家大官個，有時欲假做聽唔著睇唔見，假痴假㦙就是一目澀了，禾夗禾夗。