辰吉日

媒人去佮阿歪伊父母一李欽錫翁媎呾：「阿伯阿姆啊，個恁歡喜了：大田村陳家虼蚤伯擇好良辰吉日1，定在八月十五中秋節月圓時，迎娶阿歪姐過去佮恁個佳婿阿馬完婚。真是天上一對，地上無雙，可喜可賀。陳家呾，如果李家同意，伊就送彩禮過來。」欽錫嬸搶過話頭，呾：「你轉去回話，呾俺李家同意只門親事。不過，俺窮人唔敢嫁檻：阮唔敢收伊個大禮，也無能力辦大春𣛮大竹楹，到時擔一對大花籃送嫁妝過去就好。呾句戛人笑個：阿歪伊家己唔願坐花轎，伊呾到許日叫阿馬來佮伊相牽手做蹣行去伊內拜見高堂就好。」「嘖嘖嘖..•..」媒人頭聽頭咥舌，呾：「一切從儉從簡，好好好。阿姆只個主意上等好！其實，四人大轎、八人大轎，拍鑼拍鼓歕的禾，都是有錢人在擺色水。現今日本仔在只塊，兵荒馬亂，城內個生理孬做，鄉下天時乾，田園無收，窮人食了上頓唔知下頓在底塊，乞食一大堆。阿姆主張從儉辦婚事，適合時宜，實在高明！」「勿呵惱勿呵惱，」欽錫嬸呾，「窮人窮鐵盡，富人富千金，俺也是形勢所逼一底顛唔想體面？」媒人插嘴呾：「吓是吓是。聽呾阿姆你許伶時出閣是四抬大轎，十人跟八人隨，扛嫁妝個大春𣛮一骹接一骹排了半里路長.…….」欽錫嬸呾：「今年番薯唔比舊年芋，呾伊做呢

？你趕早去回我個話囉！！

人呾「𡥘𡚸興，起厝趸」。八月十五一早，阿馬穿好一副新衫褲，卻無可奈何去溪西村遰阿歪過來。虼蚤嬸佮厝邊頭尾、四親二情呾伊𡥘新婦是”靜靜歡喜”，意思是唔大操大辦。自然，真真正正歡喜個是阿狗佮細妹兩人一兄妹一個喫鵝翅，一個咬雞腿，又有油蔴枝、地豆桃、綿糖丸、薩奅食，兄妹仔是實實在在歡歡喜喜了；大妹穿個只副新衫褲，是舊年尾賣大豬許回，伊娘靜靜偷㩒幾個銀在手內做個。伊也歡喜也唔歡喜：歡喜加一人來作工，伊父娘免向艱苦唔歡喜是，聽人呾，只個阿嫂力大，會擔會壓也

會食—一人食三人個飯。

還有一個最最唔歡喜個人一王楊梅。