迎神

正月初四暝昏迎神後，虼蚤叔一家人頭食飯頭呾話，由初一是”雞日”，許日落雨，今年飼雞唔

順利，呾到飼豬飼牛。

虼蚤叔呾：「昨日天時好，睇來今年飼豬順利，好賺；暪日是牛日，牛是俺作田人個大靠山。鄉里好人無牛，到犁田耙田季節，有錢也租唔到牛，就靠人力拖犁拖耙。家內大夫人，有後生仔個，苦是苦，還好及時備耕；無錢銀又無人力個，作田就難賺了。俺今年，佮阿歪許內個田」

合起來十五畝，

伊𡚸呾：「俺八畝，伊八畝，唔是十六畝？！伊翁呾：「我去跿過。伊許坵田，橫二十五跿，直六十八跿，二十五乘六十八是一千七百跿。一畝是二百四十跿，算起來，正有七畝。只十五畝田，如果無只隻大水牛，我父仔佮阿歪三人就無變作照了。恁著相輔飼好管好俺個牛，正有飯食啊！無牛，我就無命了。」全家大細，個個耳聽著，心記著。虼蚤叔叫：「阿狗，你食了去掠牛蜱。」細妹呾：「我佮阿兄去掠。」虼蚤叔問：「俺有無買曆日頭？」伊𡚸呾：「還未見有人來賣，又無上市，家己又薈印.…伊翁呾：「無就無，呾一大堆闥耳做呢啊！見有就買張來，我欲睇《春牛圖》。」阿狗問：「什乜叫”春牛圖”？睇伊做呢？」伊父呾：「者個，也是作田人個學問。你還細，當然還唔𧧸。我佮你呾：“曆日頭”許上畔鎮中印有一個八卦佮一隻牛、一個牽牛孥仔，者個就叫”春牛圖”。睇”春牛圖”就知今年兩水㩼抑少：許個牽牛孥仔，如果戴葵笠佮褪赤骹，今年就是乾天氣；如果伊無戴笠，又穿鞋，今年雨水硬否發。」大妹問：「者個是硬個？向聖定？」伊父呾：「聖唔聖，舊年個天氣，恁香唔記得？」大妹呾：「舊年連續五個月無落一滴雨，乾到大溪底好曝粟，田內痛到一一大過手指，張好水車了，夗在田頭等水，踏車踏到骹盤腫，踏起二粒水，流唔到三尺遠就疏去。到後來，在溪心鎮中又挖一條溝等水漏落來，同溪底到田頭離遠了，一張車唔到長，再接一張，阿叔、阿姈、阿兄佮我四人踏車，目澀、肚囷、無力、骹痛，還著踏，踏車踏到我哭，真實慘過死！」伊父呾：「是啊是啊，是照生！你香唔記得。大妹呾：「一世人囉記得！」伊父呾：「你去睇許張舊曆日頭上個春牛圖，舊春牛圖上許個牽牛孥仔就是戴葵笠佮褪赤骹個。恁睇聖唔聖？」「好，」大妹呾，「瞞日我就去市覓張曆日頭來貼在只牆頂。」虼蚤叔放落飯碗，挈起煙筒。伊頭𠮨煙頭屈指在算日子，呾：「舊年”大寒”在十二月廿六，今年”立春”應該是正月十二，無曆日睇，唔知是唔是？半個月一個節氣，照算應該是正著。舊年立春啱啱是正月初一。生阿馬許年—民國十二年，正月無春，伊出世前許上一年哩有雙春一正月一個立春，十二月一個立春。照生算來，今年又是雙春。照古人呾，逢雙春，年情好：風調雨順，五谷豐登，六畜興旺，人有精神。」伊歇一下，扣掉煙屎了，挈起正手，手指一隻一隻屈落後，又一隻一隻伸直起來，屈屈伸伸，伸伸屈屈，同時，嘴臨皮靜靜在顛動，唔知伊在算什也個？人呾”一年之計在於春”，春來了，做為一家主心骨個虼蚤叔，伊可能是在為不誤農時佮全家人個衣食精打細算。人呾”唔當家唔知柴米貴”，一家之長，擔只個家枷無向輕易啊！