虼蚤嬸轉外家去蹜許幾日，楊梅真想去親近伊心中只個”大家”。想是想，心又鵬鵬跳，唔敢去。 虼蚤嬸轉去大田村許日個下旰，楊梅就去天壽姆 許內，嘴呾是來踢跎，其實是欲去聽芳鼻臭一想探聽虼蚤嬸是唔是來佮天壽姆詖阿馬個事。楊梅 “踢跎”到暝昏，也大膽扣了幾下”鼓墘”，天壽姆假作聽唔見，楊梅也就轉去伊內了。 話分兩頭。 夏至日，長三刻，天又熱。許日暝昏，阿馬佮伊娘在外埕納涼，阿馬無頭無尾就問：「阿姈啊，在阿外嫲厝內許個姿娘仔，是阿外嫲個什也人？ 虼蛋嬸無想到伊仔會問只件事，個心”鹏”一卡了，猛猛靜落來，假作有相無干個問：「你做呢 調伊？」 阿馬呾：「舊年去溪東舥龍船，在阿外嫲許內睇見伊囉相輔煮食。我唔詡伊。是阿外嫲佮伊呾： “只個是我外孫阿馬』，又佮我呾：『伊叫楊梅』 °」 虼蚤嬸”噢”一聲，呾：「楊梅伊阿父叫王鏡清 。楊梅伊相兔，細你四歲。楊梅只個姿娘仔命孬伊本來有一個阿兄兩三歲，楊梅一出世，伊阿兄就病死去。後來，伊娘又生了個阿弟佮個阿好告知做呢，也都飼會活，細細就死了。相命先生呾楊梅是”孤毒命”。楊梅十一歲許年一民國廿八年夏至許日，聽呾日本兵拍到汕頭。汕頭到俺澄海正三鋪路，俺只塊驚死，猛猛去割稻。本來， 許時內澇，田內個水愈 愈深，拍粟了，人人拖 稻稿草上大墳頂曝，田內口口大墳頂，囉有五六個七八個大草困。五月三十許日，日軍拍入澄海來，細妹許年正四歲 .，我抱伊上船了，全家人撐 船去田洋中大墳頂聞草困縫。走出村外許日，只 顧鎖了 墳堆頂 門， ，空空手就走，許一瞑，在小島平樣個半暝後清到人人囉求。隔日個暝昏，叫 幾個膽大個大夫人領轉去被毯來。 一暝落雨，攏總沃到沈沈。因為走日本 肚乞 船送到各個墳堆去分逃難個人食。日軍坐船到溪東村，楊梅母仔走唔離。楊梅論年階是十二歲，伊生得矮細矮細，一群日本兵同伊娘手內搶過楊梅，在塗下了，拖伊娘去散物，物了就刺死伊。 許時，楊梅伊阿父在實叻，村內個人相輪飼阿楊梅。到後來，你外嫲呾： 『恁撮人，仔個仔教， 唔閒個唔閒。我個厝偠闊，仔也大，無拖無累有閒，楊梅我蹺去飼，恁睇好唔好？』厝邊頭尾都呾：『上好上好，照生，阿姆早晏有人相伴，梅香姐有個阿妹，你收伊做走仔上好！』你外嫲呾 『孬孬孬，我無者福氣，鏡清一轉來，我就交還伊家已去飼！』一年後，鏡清兄同番邦轉來，楊梅就轉去伊家己個內。伊阿父有時出門去，伊內無人，伊又唔愛佮村內個孥仔耍，就來綴你外嫲，在外嫲許內，伊家己一個也踢跎到歡喜死⋯ ・・・1 “咚—咚 ・ー” “冬一ー” 「二更了，二更了。」唔閒了一日個虼蚤婚乏了，最後呾了一句： 「相命先生呾楊梅命孬，下 回嫁後欲剋夫剋子。」呾了就入去房內夗。