雁門關

食飯時，虼蚤叔問阿狗：「恁童子軍欲去底塊拍日本仔啊？」阿狗據落一塊番葛又呴了兩嘴飯飲後，呾：「雁門關！」阿狗回答個唔是外砂、唔是汕頭、也唔是香港、暹羅只撮鄉里人大大細細囉𧧸個地方，無想到伊呾出只個只內無人聽過個地名，連伊阿父只個”有學問”個老作田人也乞伊”考倒”，一時覺得只

個孥仔做呢變得有點怪怪？

伊又問：「你只回呾欲去底塊？」阿狗一字一頓呾：「雁一門一關。」伊呾一字

答一下頭。

虼蚤叔忽然想起同前睇過一齣叫《李陵碑》個潮州戲，問：「去楊令公撞死在李陵碑許個雁門關？」阿狗呾：「是。」伊父問：「雁門關在底塊？你做𧧸？」阿狗呾：「聽先生呾個哩。」伊父問：「先生佮恁呾只個做呢？」阿狗呾：「讀書哩。先生㩼阮讀《古文觀止》內個《李陵答蘇武書》時，學古乞阮聽，呾宋朝楊令公寧願撞死在李陵碑，唔投降遼國。先生呾楊令公佮伊五六個仔攏總是好漢；楊家將大夫姿娘攏總是英雄，全國個後生仔伙，生欲佮楊家將平樣，死欲佮楊令公平樣，做人著做英雄好漢。」虼蚤叔放落飯碗，頭答阿答：「嗯，嗯，者就著，者就著！」天一光，大妹就問阿狗：「你昨暝艮眠，嘩到大大聲，叫”阿姐，猛走猛走，勿伊擲著！“害我答一扽乞你驚醒。佮夢見也個？」阿狗呾：「我睇見一枝危危個紅膏藥旗個旗杆乞一陣大風拍折跋落來，險險擲著俺兩人，你還唔知，我猛猛拖你走。」虼蚤嬸呾：「孥仔做夢好聖定啊。日本仔到只回欲衰了。」七月初四下旰，專門用肩頭佮骹力擔八索賺錢個詹就叔同汕頭市轉來。伊食暝晏了，佮以往平樣，行去辮。全鄉里一兩千人，無人知”報紙”是也個，更無人有”無線電”。照生，靠來往於汕頭市佮澄海縣兩地擔八索過生活個詹就叔，行情上光，隔兩三日、四五日，伊同汕頭市轉來一下，想知世情事個人，就攏總到閒間去聽芳鼻臭。閒間內，兩枝大號”美孚”火水油燈，照光了兩分地閣個糊禁全厝內，椅有限，企個過坐個。阿就叔一到，閒間內個人佮迎接大官平樣，企個退到兩畔，坐個人人起立，請坐個叫請坐，倒茶個去

倒茶。

有人問：「就叔啊，汕頭只幾日有乜貓鼠銜貓抑是人咬狗個新聞？」有人呾：「學雨條人偷扛臼抑是”抝蔗頭”個咸古來聽。」阿就叔食了兩盅茶後，按照伊向來個呾話習慣唔猛唔慢呾：「我走汕頭，知汕頭市內有人開米行、有人開布行、開魚行、紅毛灰行、火水油行、肥田料行，恁聽清楚啊一日本仔伊什也行囉勿，宣布開”豆行”（投降）好！」「什也個，什也個？」

「做呢呾，做呢呾？

開間兩三下佮罪內個糜滾平樣。好皺人一時聽唔出「豆行”是也意思，也無想到创人放火個日本仔會投降，敏敏甲甲問阿就，叫伊呾明白。阿就叔企起來，舉起雙手呾：「日本鬼仔向俺中國宣布繳槍投降了！」「真個抑是假個？」「你聽蠢抑奪？」閒間內無人相信。阿就坐落去，呾：「我薈聽「你昨暝夢見個抑歪？」蠢，也唔是夢見個。是黃家長佮謝財主只撮有錢人昨日（七月初三，番仔曆8月10日）在無線電內聽到重慶中央廣播電台播個。起初，我也唔相信，以為是我耳聾聽蠢。黃家長佮謝財主攏總呾：只條消息，電台反反覆覆播了一下又一下，還聽到播音員歡喜到播音時喉硬硬，欲哭欲哭平樣。中央電台廣播個硬否是真個，無騙人。」一下，全閒間個人走到了了一個個走轉去”通風報信”唔記得三更抑是半瞑。，呾：三更扣過了，虼蚤叔正轉到內，伊𡚸起來開門「一朞流唔𧧸照暗，今暝去底塊到只回正轉來？」虼蚤叔呾：「今暝昏聽阿就在汕頭轉來呾個好消息一日本仔繳槍投降了！」虼蚤叔呾：「風聲是照生風聲，佮還唔知真假

「真個？」伊𡚸問。

。我睇，日本仔無向易就罷休。」伊妐呾：「無風無有湧。相创相剧佮惱死！日本仔憑白無故走來创俺個人做呢啊？政府收錢收粟，一年比一年级，國民黨兵食飽了做呢無能创亂日本？未伊猛仄投降也好。先番叔”唉們二聲，呾：「天下事，呾唔直

夗囉夗囉。