病相思

天壽姆明知鏡清”無事不登三寶殿”，就問：「照早過來有也事啊？」鏡清呾：「無乜事無乜事，起來了無事行踢跎，行來睇你飼大豬。」月子李春姆盟：「仟也大豬。」鏡清問：「個幾個「年頭過了元宵掠個。」天壽姆呾。「我磅一隻唔到二百斤。」鏡清呾。「硈硈有百五斤就歡喜吐。宅冷！」天壽姆呾。「不一定是宅冷，」鏡清呾：「我睇除了豬種外，是精水孬。暹羅個豬食糜食飯，半年就又大又肥，好賣。」天壽姆呾：「暹羅米粟，人食唔了。我聽伊阿父呾過：暹羅碧差汶府許塊個人作田上等閒一挪種後，免沃肥，免薅草，一個寡婦能作百畝田割稻只割粟穗，也免拍粟，粟穗曝灱後，也無粟笘，四散放，粉鳥一群一群去食，也無人趭，雨沃後，粟囷上發芽，生秧。」「是啊，是啊，是照生！」鏡清呾：「碧差汶是糧食之都。暹羅個粟㩼到食唔了，用粟去烆火發電，所以，世界上曼谷個電燈最光。還有，無論底一個國家有飢荒，暹羅米就一火船一火船送天壽姆呾：去救濟災民。：「我知我知，我也領過米。让鏡清又呾：「用糜飯飼豬正快大猛肥。日晏了勿囉顧詖飼豬個事，阿嫂啊，阿梅昨瞑在你只塊，做呢到向晏正轉去？」天壽姆呾：「拜月後，收了床，我叫伊食茶食月糕，頭食頭詖話，詖晏了。」鏡清聽了答頭答頭，發出一連串”呵呵呵”聲。天壽姆問：「什乜事啊？」鏡清呾：「無無無，無乜大事。」天壽姆呾：「無乜事就好。」鏡清把昨瞑睇見伊走仔寫在拍紙簿上許撮話，

大約呾乞天壽姆聽。

天壽姆呾：「寫到照好聽。豈是伊家已寫個抑是抄書個？」

「我也唔知。」鏡清呾。

「正如人呾個，」天壽姆呾：「戲棚頂上有個戲棚下也有一千金小姐病相思，後花園私訂終身，

半暝綴人走。

鏡清呾：「俺唔是宰相，也唔是員外，做有千金小姐佮後花園。」天壽姆呾：「千金小姐，窮人走仔，攏總是姿娘仔。姿娘仔大了就會想大夫仔。」鏡清頭聽頭徙骹，呾：「阿嫂，你禾唔閒，我去上市。」天壽姆呾：「禾去禾去。」鏡清正轉輦轉，天壽姆最後呾一句：「鏡清啊，豬飼大就著賣，走仔飼大就著嫁。」「著著著，著著著。」鏡清頭呾頭行。