冬節丸

十一月廿七日是冬節（冬至），同二十日起，各村各戶個碓，日續暝，暝續日，無時閒，大夫姿娘、大人孥仔，攏總在舂秫米𥺃、挲冬節丸，唔

閒死。

大妹問伊娘：「阿姈啊，我聽人呾：『冬節丸未食香門交長適語朵微呢？1-年三百六十五日，有一個最長個日佮一個最長個暝：夏至日長三刻，以後，日愈來愈短，暝愈來愈長，長到冬節瞑最長，長三刻；冬節過後，瞑愈來愈短，日愈來愈長，長到夏至日最長。你睇俺外埕個日影就知：夏至日個日頭在外埕鎮中，你企在許塊睇唔見你家己個人影，以後，日影慢慢斜到外埕角去；冬至日個日影，原來在牆頭頂，以後慢慢行到外埕鎮中來，又是夏至了。」大妹個頭答抑答。伊父又呾：「俺作田人，著學會睇風睇日睇流水，𧧸節氣，正知作也田工課°」大妹又問：「吓冬節做呢硬虎著食煮糖個秫米丸？」

伊父呾：「丸，就是團圓。冬節，古時是一年中頭一個節，全家人著攏總轉來家內團圓，佮秫米平樣黐黐，糊做一下，骨肉相綴，人情甜甜。有家就是好，父母兄弟姐妹齊全，吓就上等好。食冬節丸，是叫人勿唔記得家—禾去相輔挲丸。」十一月廿六暝，虼蚤叔伊厝內個灶前上鬧熱：阿歪坐在灶前烆火，伊了一個攔入灶肚內時，用鐵錡杕了一下，一群火螟飛出來，灶前光了，執了，除了虼蚤叔佮阿馬外，虼蚤嬸大家新婦佮伊三個仔，五人圍著一個大竹在挲冬節丸。阿狗兄妹仔是來鬥鬧熱。伊娘呾：「你睇你睇，你兩人挲個丸；大個大，細個細，有個長，有個扁，然什也丸？」

伊頭呾頭笑。秫米𥺃了了，鼎內個烏糖水滾了，開始煠丸了。頭鼎丸煠熟了，虼蚤嬸舀了五六碗呾：「天時寒，個人食碗燒個了，猛猛去夗，雞叫頭啼了。」丸煠到了，虼蚤嬸連𥺃錥啊、椅仔啊、碗箸啊、.••••.攏總無𢭪拾，拭仄手了就”嗐”一叫倒落床，夗了。伊在床頂疲唔到兩個時辰又趴起來。天一光，阿狗正”跋”落眠床就去舀一碗冬節丸，正欲食，伊娘就”搶”過來，呾：「燒丸清面。清丸食了肚欲痛。烳燒了正食！」食糜了，落田個去落田、耍個去耍，大妹𢭪了一家人個那颯衫褲捱做一大籃，摜去池漧洗，虼蚤嬸舀了一塗鍋仔秫米丸在厝內貼丸一大門、門仔、前、後門、內門、外門、灶頭、鼎鍛、水缸、咸酸櫥、粟簟、豬寮、雞篠、鵝圍、牛間、犁、耙、水車、碓、磨、風櫃..

上上下下，

見物就貼兩個冬節丸，寄托著感恩、留住、甜蜜個心願。者個就勿詖了。